எப்போதும் கையில் ஆண்குறியோடு சுத்த முடியாது.. மதிமாறன்

mathi

கேரளத்தின் பினராயி விஜயன் எடுத்திருக்கும் அனைத்து சாதியினரும் அர்ச்சகராகலாம் என்ற சட்ட நடைமுறைப்படுத்தலை குறித்து விமர்சித்திருக்கிறீர்கள். பூணூல் போட்டவங்க இருக்குற கம்யூனிஸ்டு கட்சியெல்லாம் என சொல்லிருக்கீங்க. எனக்கும் கூட பினராயி விஜயன் உடைய அரசியல் நிலைப்பாடு அல்லது அவர் மீதுள்ள ஊழல் குற்றச்சாட்டுகளில் உடன்பாடு இருக்கிறது. ஆனால் இரண்டாயிரமாண்டு சாதி ஒடுக்குமுறையின் மீது, முதலிரவை நம்பூதிரிகள் கழிக்க வேண்டும் என நடைமுறை இருந்த மாநிலத்தில் இருந்து ஒரு ஈழவ சமூகத்தை சேர்ந்த பினராயி விஜயன் இந்த தாக்குதலை தொடுத்திருக்கிறார் என்றுதான் பார்க்கிறேன். இது விஜயன் என்ற தனிநபரின் முடிவல்ல என்பதாலும் சிபிஎம் மீது நமக்கிருக்கும் இன்னபிற விமர்சனங்களுக்காகவும் வரலாற்று சிறப்புமிக்க ஒரு நடவடிக்கையை அதில் இதுவும் கலந்திருக்கிறதே என சொல்வது லெனின் மொழியில் சொல்வதென்றால் ஒன்று முட்டாள்தனமோ அல்லது திருட்டுத்தனமோ தான். இதில் நீங்கள் யார் என உங்களது ஈகோ வின் ஆண்குறியின் விறைப்புத்தன்மையை பொறுத்து முடிவு செய்து கொள்ளுங்கள்.

பாரதிய ஜனதா பார்ட்டியை உங்களது பிடித்த கம்யூனிஸ்டு என சொல்லிக்கொள்ளும் மருதையனோடு சேர்ந்துதானே எழுதினீர்கள். ஊருல எல்லாரும் கேரளத்து நடவடிக்கையை கட்சி வேறுபாடு கடந்து பாராட்டிக் கொண்டிருக்கிறார்கள். ஆனால் மருதையனுக்கு இப்போதான் வைகோ மாரி உலக அரசியல் பதிவும் நீட் பிரச்சினையும் முக்கியமா தெரியுது. வினவு தளத்த தொறந்து பாருங்க.. ஒரு வரி கூட இத வாழ்த்தவில்லை. அதாது உங்களுக்கும் மருதையனுக்கும் மனதளவில் ஈழவனும் புலையனும் தீயர்களும் குருவாயூரப்பனையும் பத்மநாபனையும் ஆற்றுக்கால் பகவதி அம்மனையும் தொட்டு கும்பிடுவது பிடிக்கவில்லை. பிடிக்காது தான். ஏனென்றால் இந்த சாதிகளின் பெண்கள் எல்லாம் ஆண்டை சாதிகளின் போகப்பொருளாக என்றுமே இருக்கவில்லை. ஆனால் பார்ப்பானை அண்டிப்பிழைத்த சாதிகளின் தமிழக முற்போக்கு தலைவர்கள் குறிப்பாக திமுக போன்றவர்கள் ஊழல் புகாரில் சிக்கி நிரூபணமானால் கூட பார்ப்பன சதி என பக்கம் பக்கமாக எழுதி ஆ ராசா வுக்கு வண்டுமுருகனாக அவதாரம் எடுப்பார் புதிய ஜனநாயகத்தின் மருதய்யன். தன் வீட்டு பண்ணையடிமைக்காக பரிதவிக்கும் பார்ப்பனிய மனநிலை அது.

பார்ப்பனராக பிறந்து விட்ட காரணத்தால் மாத்திரம் ஏ மருதையனையோ யாரும் பார்ப்பன கட்சி என மக.இக வை ஓ சொன்னால் இப்போதும் நான் எதிர்ப்பேன். எந்த கட்சியாக இருந்தாலும் இதுதான். ஆனால் தனது நடவடிக்கையால் அதற்கு ஒரு தத்துவ விளக்கத்தை அதாவது பார்ப்பனியத்துக்கு மார்க்சிய விளக்கின் கீழ் நின்று வெளக்கோ வெளக்கென பேசிப் பேச வந்துகொண்டிருக்கிறார் உங்களது பழய பங்காளி மருதையன்.

இரண்டாவது பினராயி விஜயன் செய்த நேரம் அதாவது தருணம் ரொம்ப முக்கியமானது. தமிழகத்தில் என்ன பிரச்சினை வந்தாலும் அதிலும் சொந்த தவறுகள் காரணமாக சிக்கிக் கொள்வோரும் தப்பிப்பதற்கு பெரியாரை இன்று வரை பயன்படுத்துகிறீர்கள். காவிரில தண்ணி வரல்ன்னா பெரியார் இங்க பொறந்தாருங்கிறதுக்காக தண்ணி தரலம்பீங்க, ஆ ராசா வ இல்ல கனிமொழிய திகாருக்கு அனுப்புனா இதே மாரி எல்லோரையும் அனுப்பிட்டியானு ஒரு தர்மாவேசத்தோட பார்ப்பன அரசியல்னு ஒழிஞ்சுப்பீங்க. உங்க வீடுகள்ல நாமக்கல் மாரி பள்ளிகளில் படிப்போரது நலன் பாதிக்கப்பட்டா நீட் ஐ எதிர்ப்பீங்க.. அதுக்கு தோதா ஒரு தலித் மாணவிய அரவான் மாறி பயன்படுத்துவீங்க..

சாதி மறுப்பு திருமணம் பண்ணி விடுவதாலேயே தான் செய்யும் பிற சமூக விரோத செயல்களை கண்டுக்க கூடாது என கருதும் மனிதர்கள் இன்று மக்கள் கலை இலக்கிய கழகத்தின் தலைவர்களாகவே வந்து விட்டார்கள். ஆனா பினராயி விஜயன் இப்போது அதற்காக என்னை லாட்டரி சீட்டு மார்ட்டின் விவகாரத்தில் கண்டுக்காதீங்க என உங்களைப் போல புலம்பவில்லை. ம.க.இ.க ன் மாநில தலைவர்கள் தங்களது மகளுக்கு வரனை சொந்த சாதியில் தேடும்போது போன இடத்தில் கீழத்தூவலுக்கு நியாயம் கேட்ட சங்கதியெல்லாம் தெரியும் தானே.. மருதய்யனது செலக்டிவ் அம்னீசியாவை விடுங்க.. உங்களுக்கு?

உள்ளீடாக, சாமியார் ஆதித்யாநாத் கேரளாவுக்கு வந்து ரதயாத்திரையை ஆரம்பிக்கும்போது தருணம் பார்த்து சேட்டன் வேலய காண்பித்திருக்கிறார். அன்று வானர கூட்டத்திடம் ‘எங்கள பத்தி உங்க பாட்டன்மாரிடம் கேளடா.. நா மட்டும் இந்த பதவில இல்லன்னா இப்பவே வேட்டிய மடிச்சு கட்டிட்டு வந்திருவேன் சண்டைக்க“ னு அவரு சொன்னப்ப நான் கூட இதுவும் அச்சுதானந்தன் மாரியான சவடால் போலனு தான் நெனைச்சேன். ஆனா வடிவேல் காமடில வர்ற மாரி சாமியர உள்ள விட்டு அப்புறமா ஆப்ப சொருவனப்புறம் தான் தெரியுது. சேட்டன் வலுத்த ஆளு.

அடுத்து மார்க்சிய பார்வையில் பார்த்து அம்பேத்கரை ஏற்றுக்கொள்ளணும், அத விட்டுட்டு காந்திய சிபிஎம் தூக்கிப் பிடிக்கிறது என்பது உங்க வாதம். உங்களுக்கு மார்க்சியம் தெரியல, இல்லேன்னா உண்மைலயே மருதையன் போன்றவர்கள் அதெல்லாம் உங்களுக்கு சரிப்பட்டு வராது என காமடி நடிகர் சிங்கமுத்து மாரி கருதி விட்ருப்பாங்க சொல்லாம. அதாது மருதையனிடமே திரும்ப போய் கேளுங்க.. அம்பேத்கர அவங்க முழுசா ஏத்துக்கறாங்களானு.. பெரியார கூட அப்டி ஏத்துக்க மாட்டாங்க. ஏன்னா அப்டி ஏத்துக்க முடியாது ங்குறது உங்களுக்கு மொதல்ல புரியணும். காந்தியோ நேருவோ யாரையும் ஏத்துக்கறது அப்டிங்கறது பரிசீலித்துதான் சொல்வாங்க. அதுல தப்பு இருக்குதான். ஆனா நீ கம்யூனிஸ்டுனா அம்பேத்கர ஏத்துக்கணும் என மிரட்டுவதால் அறிவார்ந்த உரையாடல்கள் ஏதும் நடக்காது. உண்மையில் இப்படியாக அடாவடித்தனத்தை அம்பேத்கரோ பெரியாரோ ஆதரித்தவர்களும் கிடையாது. இப்போ கூட நீங்க கேக்கும்போது ஸ்ரீரங்கம் கோவிலுக்குள்ள நாங்க அம்பேத்கர கொண்டுபோனோம்னு சொல்லி சமாளிப்பாரு மருதையன். உஷாரா கேள்விய தெளிவா கேட்டு பதில வாங்குங்க.

அடுத்து பார்ப்பனர்கள் என்ற வார்த்தை பிரச்சினை. நானும் இதில் சிபிஎம் ஐ இப்போதும் வன்மையாக கண்டிருக்கிறேன். ஆனால் பினராயி விஜயன் செய்திருக்கும் செயலோடு ஒப்பிட்டால் இப்போது இந்த தருணத்தில் நெக்லிஜிபிள் தான் அது. இல்ல அவரு பார்ப்பனர் என்ற அரசியல் புரிதலோடு ஏற்றுக்கொண்டால் தான் தலித் கருவறைக்குள் நுழைய வேண்டும் என்ற வறட்டுவாதம் ஆயிரமாண்டு கால ஒடுக்குமுறையை தகர்க்கும் உளியை நொட்டம் சொல்லும் திண்ணைப் பேச்சு வேலை தான். ஒரு பொறுப்பான பெரியாரியவாதி அல்லது அம்பேத்கரிய வாதி தன்னால் சாத்தியமாகாவிட்டாலும் இதற்கு வெளியில் ஒருத்தன் சாதித்திருக்கிறான் என்றால் முதலில் மகிழ்ச்சி அடைவான். அதை பிறருடன் பகிர்ந்து கொள்வான். அடுத்து தானும் இதை விட ஓரடியாவது முன்னால் போக வேண்டும் என முயற்சிப்பான். இப்படித்தான் சமூக இயக்கத்தில் போட்டி போட்டுக் கொண்டு சீர்திருத்தங்கள் வந்தன. புரட்சி அல்லது போராளிகளைப் பொறுத்தவரையில் கடைசி வரை நான்கு சுவர்களுக்குள் மூளையை வைத்துக்கொண்டு களமாடும் மருதையன் வகையறாக்களை தவிர பிறருக்கும் இது பொருந்தும்.

பினராயி விஜயனை தூரப் போடுங்க.. சிபிஎம் ஐ தூரப்போடுங்க. இதை எதிர்த்து அசோக் சிங்கால் பேசுவதை புரிந்துகொள்ள முடிகிறது. மதிமாறன் எதிர்த்து களமாடுவதையும், அவரை ஊக்கிவரும் மருதையன் வாளாவிருப்பதையும் பார்த்தால் பார்ப்பனியத்தின் சூழ்ச்சி இதில் இல்லாமலா இருக்கிறது. உங்களை சத்திரியனாக்குவதாக அவர் ஏதும் யாகம் நடத்தப் போகிறாரா? இல்ல உங்கள பேச விட்டு ஆழம் பார்க்கிறாரா அந்த பார்ப்ப’னிய’ மருதையன்? புஷ்யமித்ர சுங்கர்கள் இப்போது பிராகிருத தத்தனை முன்னிறுத்தி ஆட்சி பீடமேற துடிக்கிறார்களா?

இவ்ளோ ஏன் மதிமாறன். இன்னிக்கு இந்த அறிவிப்பு வரும்போது பெரியார் இருந்திருந்தா என்ன பண்ணிருப்பாருன்னு நினைக்குறீங்க..? அதான் சொல்றேன். பெரியாரை குழிதோண்டி புதைப்பது உங்களைப் போன்ற பெரியாரியவாதிகள் என சொல்லிக்கொள்ளும் சர்காஸ்டிக் எழுத்தாளர்கள் தான்.

கடந்த ஜனவரியில் இந்த பெரியார் பிறந்த மண் பாரம்பரிய உரிமை என ஜல்லிக்கட்டுக்காக போராடியது முரண்நகை. ஆனால் கேரளா அந்த பாரம்பரியம் என்ற பிற்போக்கின் மீது சம்மட்டியால் அடித்திருக்கிறது. ஒரு தமிழனாக அன்று ஜல்லிக்கட்டு விசயத்தை ஆதரித்து இன்று அதே மாடு விசயத்தை தங்களது அரசியலுக்கு பயன்படுத்தும் சங் பரிவாரங்களுக்கு பாரம்பரியம் என்ற சொல் மூலம் பங்காளி ஆனதற்காக முதலில் வெட்கப்படுங்கள், ஆனா அதுக்கு ஒரு நேர்ம இருக்கணும். மருதய்யன் சாகவாசத்தால் அத இழந்திருப்பீங்க..

நீங்களோ நானோ விரும்பினாலும் விரும்பாவிட்டாலும், நமக்கு அவர்கள் மீது பல அடிப்படையான விமர்சனங்கள் இருந்தாலும் இவையெல்லாம் அதற்கான காரணங்கள் தான். விளைவுகளாக நிற்பது சிபிஎம் சிபிஐ கட்சிகளைத்தான் பிற பிற்பட்ட ஆதிக்க சாதிகள் பள்ளன் கட்சி பறையன் கட்சி னு பாக்குது. திமுக வை அப்படி பார்க்கிறார்களா? உங்களை அங்கீகரிக்கும் தி.க வை? அவ்ளோ ஏன் உங்க கூட்டாளி மருதையன் இருக்கும் ம.க.இ.க வை? இதுனால மாத்திரமே அவங்க 100 சதம் சுத்த தங்கம்னு சொல்ல நான் ஒன்னும் வண்டுமுருகன் எல்லாம் இல்லை. ஆனால் அந்த இழிவை ஏற்றுக்கொண்டு பொதுவெளியில் இயங்குவது என்பது அந்த தோழர்களைப் பொறுத்தவரையில் நிச்சயம் பாராட்டத்தான் வேண்டும். அதில் சந்தர்ப்பவாதம் இருக்கிறதா என்றால் அதில் தடுமாறி விழும் விசயத்தை அரசியல் அரங்கில் தனிநபரை வைத்து பரிசீலிக்கும் ப்ரூத்தோனிய வேலை என்பதற்கு மேல் ஒன்றுமில்லை.

யாதவர் சங்க மகாசபைக்கு பெரியார் திடலின் எம் ஆர் ராதா அரங்கு சங்க கூட்டம் நடத்த அனுமதிக்கிறது. கூச்சமே இல்லாமல் தனக்கு அங்கீகாரம் கிடைக்கிறது என்பதற்காய் அங்கு பேசப் போகும்போது மதிமாறனுக்கு இதை விமர்சிக்க வேண்டும் என தோன்றவில்லையா? இல்ல நேரப் பாக்கும்போது தான் பயமா இருக்குன்னா.. ஃபேஸ்புக்ல எழுத கூட விரலில் ஏதும் நகச்சுத்தா.. வேணும்னா ஒரு பெரிய எலுமிச்சம்பழம் அனுப்பி வைக்கவா?

இல்ல மரத்துக்கு ஏத்த மாரி நெறத்த மாத்துற தெறமய மருதய்யன் வகையறாக்கள்ட போய் (அப்பிரண்டிசா த்தான்) கத்துக்கிட்டீங்களா?

**

எந்த மாநிலத்தில் நடந்திருக்கிறது? என பார்க்கணும்.  திருவிதாங்கூர் சமாஸ்தானத்தின் பரம்பரை உரிமை என்ற காரணத்தால் ஏற்பட்ட 3 ம் மைசூர் போர் அதை துவங்கி தோல்வியை தழுவி தன் பிள்ளைகளை பணயமாக கொடுத்த திப்பு. பத்மநாப சுவாமி கோவிலின் சுரங்கப்பாதைகளில் கொட்டிக் கிடக்கும் தங்க குவியலை உருவாக்கியது இன்று பூசாரியாக நியமிக்கப்ப்படும் பார்ப்பனரல்லாதோரின் முன்னோர்களின் சிந்தப்பட்ட ரத்தமும் வியர்வையும் இல்லையா? ஒரு தாய்க்கு தான் இனி வாழ்நாளின் பொருளாக நம்பவிருக்கும் குழந்தையின் முதல் அடி போல இருக்க வேண்டும் இல்லையா முற்போக்காளர்களுக்கு இந்த நடவடிக்கை. அந்தக் குழந்தை லெப்ட் ரைட் சரியா சொல்லல என குற்றம் கண்டுபிடித்தே பேர் வாங்குவதா இந்த தருணத்தின் தேவை?

இருபதாண்டுகளுக்கு முன் நான் விருதுநகரில் முதுநிலை படிப்பிற்காக படிக்க போயிருந்தேன். மதிய நேரம் இடைவெளி நேரம் அதிகமாய் இருக்கும். கல்லூரி பழய நீதிக்கட்சி தலைவர் ஆரம்பித்த ஒன்று. உண்ட மயக்கத்தில் இருக்கையில் நாங்கள் பத்துபேர் வரை ஒரு ஹாஸ்டல் அறையில் இருந்து பேசிக் கொண்டிருந்தோம். காமடியாக நேரம் போய்க் கொண்டிருந்த்து. இரண்டு இளங்கலை பயிலும் மாணவர்கள் எங்களை இந்திய மாணவர்கள் சங்கத்தில் உறுப்பினராக சேர்க்க முயல்வதற்காய் அப்போது அங்கே வந்து பேசினார்கள்.

அவர்களுக்கு மார்க்சியமோ லெனினியமோ சுத்தமாக தெரிந்தது போல தெரியவில்லை. அப்போதே மூலதனத்தை எல்லாம் சில முறை படித்திருந்த அனுபவம் இருந்த காரணத்தால் ஓட்டு ஓட்டென அந்த பசங்களை ஓட்டிக் கொண்டிருந்தேன். அப்புறம் பசங்களுக்கு புரியணும்கிறதுக்காக வைகோ கூட்டணிய வச்சு கலாய்த்தேன். அந்த பசங்களுக்கு இங்கு நம்பிக்கை இல்லை என தெரியவே நன்றி கூறி போய் விட்டார்கள். மீசய முறுக்கிக் கொண்டேன்.

அவர்கள் போனவுடன் அங்கிருந்த நாடார் சாதி மாணவர் ஒருவர் என்னிடம் கேட்டார்… ஏன்டா உன்ன என்னமோ நெனைச்சிட்டிருதோம். நீ என்னானா போயும் போயும் இந்த எஸ்சி கட்சிக்காரங் கூட போயி சரிக்கு சமமா பேசுற.. என்று. எங்கள் அந்தக் கூட்டத்தில் ஒரேயோரு தலித் மாணவனும் இருந்தான். வாயை திறக்கவே இல்லை. நானும் தான்.

பி.கு – நீதிக்கட்சியினர் நடத்தும் அந்தக் கல்லூரியில் அந்த அவமானங்களை வாய்பொத்தி கடந்து போனதால் அவர் (தலித்) இப்போது கூடங்குளத்தில் வேலை பார்க்கிறார். அந்த ஆண்டு நடந்த சாதிக்கலவரத்தில் வெறுமனே உரிமையை பற்றி பேசியதற்காக ஒருவர் இன்னமும் தேர்வு எழுதி பாஸ் பண்ண முடியாமல் தடுக்கப்படுகிறார் வேறு வேறு முறைகளில்.

பிகு 2 – சில நண்பர்கள் ஒரு லிட்டர் பினராயி விஜயன் சிறுநீரை பாக்கெட் போட்டு வாங்கி உங்களுக்கு வீரமணிக்கு கலைஞருக்கு மருதையனுக்கு என பிரித்து தர சொல்றாங்க.. நிச்சயம் அதுனால உங்களுக்கெல்லாம் மான உணர்ச்சி வந்து அவிங்கள முந்தி நட போட பாப்பீங்கனு அவரு சொன்னாரு. நா மனசுக்குள்ள நெனச்சுக்கிட்டேன் ‘சட்டில இருந்தா தான அகப்பைல வரும்’

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s